Posts

Posted on

Amazon Kindle haqda fikirlər

Çoxdandır almağı planladığım Amazon Kindle elektron kitab oxuyucusunu nəhayət bu günlərdə ebay vasitəsi ilə əldə etdim. Dostların təəssüratı paylaşmaq istəyini nəzərə alıb bu yazını yazıram. Həm də bu cihaz xeyli sayda tanışlara maraqlı olduğundan əminəm ki maraqlananların ümumi sayı çoxdur. Çünki müasir zamanda çap kitab oxumaq bir az əlverişsiz(tutduğu yer, həcm, daşımaq və.s.) olduğundan gənclərin müəyyən hissəsi elektron oxuyucalara üstünlük verir. Bunların da böyük qismini mobil telefonların oxuyucu proqramları, kiçik qismini də planşet, noutbuk, netbuk, ev kompüterinin müvafiq proqramları təşkil edir. Sadaladıqlarımın hamısı şüa-ekranlı olduğundan və kitab oxuyarkən göz daha diqqətlə ekrana zilləndiyindən gözlərə ziyanlıdır və yorucudur. Ona görə də kitab oxumağın sürəti və birdəfəyə oxuma müddəti adi kitab oxuyarkən olan haldakılardan xeyli geri qalır. Məhz buna görə də artıq qərbdə bir neçə ildir ki gözə demək olar ki zərərsiz olan elektron-kitab oxuyucularının istehsalına başlanılıb. İşin fizikasına çox varmayacam, maraqlananlar “Electronic ink display” yazıb axtarış edə bilərlər.

2007-ci ildən başlayaraq Amazon-un alt şirkəti olan Lab126 şirkəti AmazonKindle adı altında bu tip eink ekranlı oxuyucu istehsalına başlayıb. Və hazırda ən son məhsulları 3-cü nəsil Kindle-lar olan Kindle 3 wifi, Kindle 3 wifi+3g, Kindle 3 DX cihazlarıdır.
Mənim əldə etdiyim cihaz adını ilk çəkdiyim Kindle 3 wifi-dır. Bu aparat haqda ilkin təəssüratlarımı qısaca paylaşıram.
E-oxuyucu son dərəcədə zərif və gözəl dizaynla hazırlanıb. Ələ yatımlıdır. Ekranı başqa texnologiya ilə hazırlandığından işiq saçmır, işıq əks etdirmir-güzgü effekti vermir. Ekrana saatlarla baxdıqda belə göz yorulmur, adi kitab vərəqindən fərqlənmir. Şəkildə solda Amazon Kindle, sağda isə planşet təsvir olunub, fərq aydın nəzərə çarpır.

İstifadəsi haqda qısaca deyim. Cihazın təyinatı əsasən 1 istiqamətə yönəlib. Kitab oxumaq. Kitabı əldə etmək üçün bir neçə üsul düşünülüb.
1. Wifi ilə internetə qoşularaq hər hansı saytdan yükləmək və ya Amazonun öz saytından almaq.
2. USB ilə kompüterə qoşularaq adi usb-yaddaş qurğusu kimi kitabları cihaza köçürmək.
1-ci halda istədiyimiz kitabı yükləyirik və istifadə edirik. 2-ci hal üçün isə ortaya bir sual çıxa bilər. Amazon hansı kitab formatlarını dəstəkləyir və ya hansısa formatı dəstəkləmirsə onda nə edək?
Bu sualın cavabı bu: Amazon bir neçə kitab formatını dəstəkləyir: MOBİ, PDF, PRC, TXT, TPZ, AZW. Dəstəkləməyən tiplərdə kitab kolleksiyanız varsa narahat olmağa dəyməz. Əksər e-oxuyucu istifadəçiləri məhz bu proqramdan istifadə edərək kitabların formatını çevirirlər. Bu kompüter proqramının adı Calibre-dır. Windows, MAC və Linux üçün versiyaları var. Proqramı quraşdırıb açırsınız, çevirmək istədiyiniz kitabı açıb convert düyməsini basırsınız, almaq istədiyiniz tipi seçib START edirsiniz. Vəssalam. Bu proqram elektron kitab oxuyanların kompüterində daim hazır vəziyyətdə olmalıdır. Proqramı buradan yükləyə bilərsiniz. Kindle üçün ən məsləhətli tip MOBİ formatıdır. Bu formatda kitablar Kindle-da çox aydın, səliqəli halda olur, miqyası böyütməyə və ya skroll-a və.s. ehtiyac olmur. Rahat kitabınızı oxuyursunuz.

Kindle menyusunda Experimental adlı bölmədə daha 3 maraqlı funksiya var.
1. Brauzer: Adi Webkit browserlə siz internet saytlara daxil olub istədiyiniz məlumatı əldə edə, əməliyyat apara bilərsiniz. Amma təbii ki hər şeyi edə bilərsiniz demək olmaz. Çünki bu cihazın təyinatı internetdə işləmək deyil. Birincisi ekran ağ-qaradır, ikincisi brauzer tam funksional deyil, məsələn çoxtablı rejim yoxdur.

2. Mp3 oxuyucu(player): Cihazın çox keyfiyyətli səsə malik mp3 playeri var. Mobil telefonlardan, hətta laptoplardan daha yaxşı, təmiz səs effektlərinə malikdir. Amma bu da tam funksional player deyil, playlist düzəltmək və başqa özəlliklər yoxdur, sadəcə mahnılar düzülüb, siz də hansını istəyirsiz oxudursunuz və ya özü oxuyur sıra ilə.

3. Mətn səsləndiricisi. Yalnız ingilis dilində olan kitabları avtomatik səsləndirmə imkanı. Bu xüsusən bizim istifadəçilər üçün çox faydalı ola bilər. Kitabı dinləməkdən əlavə ingilis dili öyrənmək üçün də köməkçi vasitə ola bilər. Funksiyanı işə salırsınız, standart kişi səsi ilə kitab oxunmağa başlayır.

Hələ ki bu qədər. Yeni-yeni təəssüratlar olsa şərhdə bölüşərəm. Bir az pulsuz reklam kimi çıxdı yazı, amma məncə hədəf kitab oxumaqdırsa, dəyər bunu etməyə. 🙂
P.S. Cihaz bir dəfəyə 1 ay(!) enerji saxlayır. Wi-fi daim açıq olduqda isə 2-3 həftə.

Posted on

WordPress kateqoriyalarının Google chart ilə qrafik təsviri

Bu postda kiçik bir kod parçası paylaşmaq istəyirəm, bu kod wordpress bloqunuzun kateqoriyalarını yazı sayına görə qrafik təsvir edəcək, kod parçasını statistika ilə maraqlanan istənilən şəxs öz bloqunda yerləşdirə bilər.
Kod aşağıda yazılanlardan ibarətdir: 

//Author: Elvin Haci
//Author url: http://webania.net
$ch_cats = get_categories(array('orderby'=>'count','order'=>'desc') );
$sayy= count($ch_cats);
$chd=''; $chl='';
for ($i=1;$i<=$sayy;$i++)
{
$chd=$chd.','.$ch_cats[$i-1]->count;
$chl=$chl.'|'.$ch_cats[$i-1]->name.'('.$ch_cats[$i-1]->count.')';
}
$chd=substr($chd,1);
$chl=substr($chl,1);
$ch_title="Yazı sayına görə mənim bloq kateqoriyalarım"; 
$ch_size="450x200"; // Şəklin ölçüsüdür, dəyişə bilərsiniz.
echo '<img src="http://chart.googleapis.com/chart?chtt='.$ch_title.'
&cht=p3&chd=t:'.$chd.'&chs='.$ch_size.'&chl='.$chl.'">';

Əgər siz qrafiki yazı daxilində yerləşdirmək istəyirinizsə o halda InlinePHP pluginini(qoşmasını) quraşdırmaq lazımdır. Quraşdırdıqdan sonra siz yazı daxilində [ exec ] …code here… [/exec] tag-larından istifadə edərək istənilən php kod parçasını işlədə bilərsiniz.
Yox əgər sizin theme redaktəsi ilə aranız yaxşıdırsa, təcrübəniz varsa, o halda qrafiki bloqunuzda istənilən bölgədə yerləşdirə biləcəksiniz. Məsələn yan sütunda yerləşdirmək olar(cari işlətdiyiniz theme qovluğunda sidebar.php faylı).

Sonra qrafiki demo olaraq təqdim edirəm. Təbii ki, bu qrafik yazının dərc olunduğu bloqun statistikasını əks etdirir.
[exec]
$ch_cats = get_categories(array(‘orderby’=>’count’,’order’=>’desc’) );
$sayy= count($ch_cats);
$chd=”; $chl=”;
for ($i=1;$i<=$sayy;$i++) { $chd=$chd.','.$ch_cats[$i-1]->count;
$chl=$chl.’|’.$ch_cats[$i-1]->name.'(‘.$ch_cats[$i-1]->count.’)’;
}
$chd=substr($chd,1);
$chl=substr($chl,1);
$ch_title=”E-Haci.net kateqoriyalar”;
$ch_size=”550×200″; // You can change it feet to your post
echo ‘‘;
[/exec]

Bu kodu asanlıqla plugin formasına salıb WordPress.org-da yerləşdirə bilərəm, əgər maraq olsa inşallah yəqin ki edəcəm. Uğurlar.
Yazının ilkin dərc etdiyim ünvan: Webania.net

Posted on

Yeni ideya satmaq barədə maraqlı cavab

Sual: Salam. Ağlıma internet xidmətləri ilə bağlı unikal bir ideya gəlib, amma bunu reallaşdırmağa vəsaitim yoxdur. Onu necə sata bilərəm? Məsələn Google və ya Mail.ru kimi nəhənglərə. (X.Esmurziyev)

Cavab: Salam. Sizi məyus etməli olacam: Dünyada maraqlı ideya defisiti mövcud deyil. Sizin ağlınıza gələ bilən istənilən ideya, böyük ehtimalla neçə-neçə başqa şəxslərin ağlına artıq gəlib. Asan axtarış ilə buna əmin də ola bilərsiniz.
Heç kimə sadəcə yaxşı ideya lazım deyil. Hamıya yaxşı ideya zamanında və yerində(zərurət olduqda) lazımdır. Məhz bu son tələbi qoyduqda ideya verə biləcək adamların sayı kəskin azalır.
Məsələn götürək, bank biznesinin plastik kartlar bölməsini. Minlərlə yüksəkmaaşlı işçilər sutka boyu kiçicik də olsa xeyirgətirən yeni ideya düşünməyə çalışırlar. Kim nail olursa, ona afərin düşür. Amma yeni ideya həddən ziyadə azdır.
Odur ki əgər siz konkret sifariş olunan oblast üzrə məsələn 100 əla ideya düşünməyi bacarırsınızsa, o halda siz qabağa gedəcəksiniz. Yox əgər sizdə yalnız bir ideya varsa, onda o heç kimə lazım deyil.(A.Lebedev)

Mənbə: tema.livejournal.com

Posted on

.htaccess ignore olunursa

Qısa bir həlli paylaşmaq istəyirəm.  Php-Mysql-Apache qurduqdan sonra bəzi konfiqurasiyalı serverlərdə .htaccess faylının iqnor olunması problemi meydana çıxır. Yəni, məsələn WordPress-də sayt qururuq, Permalinks-dən URL-i friendly edirik(məsələn site.com?p=12-ni əvəz edirik site.com/salam strukturu ilə) və saytdakı linklər avtomatik dəyişir. Amma linklərə keçid etdikdə 404 xətası verir, belə bir ünvanın olmadığını deyir. Həll üsulunu aşağıdakıdır: (nümunə Linux-da qurulmuş standart Apache server üzərində verilir).

Terminalı açıb yazırıq: (Əgər serverə kənardan bağlanırıqsa, o halda SSH bağlantı pəncərəsini açırıq, məsələn Putty proqramı ilə)

sudo gedit  /etc/apache2/sites-available/default (1. defaultun yerində başqa ad da ola bilər, apache-də yaradılan saytın adından asılıdır. 2. SSH qoşulmada gedit əvəzinə vi və ya nano yazmalı)

Açılan editorda

<Directory /var/www/>
Options Indexes FollowSymLinks MultiViews
AllowOverride None
Order allow,deny
allow from all
</Directory>

blokunda AllowOverride None yazılıbsa, onu AllowOverride All ilə əvəz edirik. Səhifəni yadda saxlayırıq.  Daha sonra terminalda yazırıq:

sudo a2enmod rewrite

sudo /etc/init.d/apache2 restart

Vəssalam, problem həll olmalıdır.

 

Posted on

Ubuntu – 32bit sistemlərdə RAM-dan tam istifadə

Yeni kompüterimdə Ubuntu quraşdırandan sonra system monitor-da gördüm ki, RAM 2.3 GB göstərir, halbuki kompüterin RAM-ı 4 GB-dır. İnternetdə araşdırma aparıb səbəbi tapdım. 32 bitlik sistemi RAM-ı yüksək olan kompüterlərə yazdıqda bu məhdudiyyət mütləq olur. 2 həll yolu var. 1-cisi 32bitliyi pozub 64bitlik yazmaqdır. Bu isə artıq formalaşmış sistem üçün əlverişli deyil, hər şeyə yenidən başlamaq xeyli vaxt alar. 2-ci həll yolu isə Physical Address Extension (PAE) adlanan köməkçi vasitənin quraşdırılmasıdır. Bu çox asan və effektiv həlldir. Terminalı açırıq və yazırıq.

free -m

Bu halda ilk sətirdə Mem: 2321 tipli yazı çıxacaq. RAM məsələn 4 GB-dırsa, burda 2321 MB göstərirsə, deməli mövzuda adıçəkilən məhdudiyyət mövcuddur. Davam edirik terminalda:

sudo apt-get install linux-generic-pae linux-headers-generic-pae

Təxminən 35-40 MB-lıq yükləmə tamamlandıqdan sonra kompüteri reboot(digər adı ilə restart) edirik.
Kompüter açıldıqdan sonra terminalda yenə də yoxlayırıq:

free -m

Bu dəfə isə çıxan nəticə sevindirici olacaq: Mem: 3687

Köməyə çatan mənbə