/E-Haci.net

texnologiya, elm, təhsil mövzularında düşüncələr

Author: E-Haci

  • Yeni ideya satmaq barədə maraqlı cavab

    Sual: Salam. Ağlıma internet xidmətləri ilə bağlı unikal bir ideya gəlib, amma bunu reallaşdırmağa vəsaitim yoxdur. Onu necə sata bilərəm? Məsələn Google və ya Mail.ru kimi nəhənglərə. (X.Esmurziyev)

    Cavab: Salam. Sizi məyus etməli olacam: Dünyada maraqlı ideya defisiti mövcud deyil. Sizin ağlınıza gələ bilən istənilən ideya, böyük ehtimalla neçə-neçə başqa şəxslərin ağlına artıq gəlib. Asan axtarış ilə buna əmin də ola bilərsiniz.
    Heç kimə sadəcə yaxşı ideya lazım deyil. Hamıya yaxşı ideya zamanında və yerində(zərurət olduqda) lazımdır. Məhz bu son tələbi qoyduqda ideya verə biləcək adamların sayı kəskin azalır.
    Məsələn götürək, bank biznesinin plastik kartlar bölməsini. Minlərlə yüksəkmaaşlı işçilər sutka boyu kiçicik də olsa xeyirgətirən yeni ideya düşünməyə çalışırlar. Kim nail olursa, ona afərin düşür. Amma yeni ideya həddən ziyadə azdır.
    Odur ki əgər siz konkret sifariş olunan oblast üzrə məsələn 100 əla ideya düşünməyi bacarırsınızsa, o halda siz qabağa gedəcəksiniz. Yox əgər sizdə yalnız bir ideya varsa, onda o heç kimə lazım deyil.(A.Lebedev)

    Mənbə: tema.livejournal.com

  • .htaccess ignore olunursa

    Qısa bir həlli paylaşmaq istəyirəm.  Php-Mysql-Apache qurduqdan sonra bəzi konfiqurasiyalı serverlərdə .htaccess faylının iqnor olunması problemi meydana çıxır. Yəni, məsələn WordPress-də sayt qururuq, Permalinks-dən URL-i friendly edirik(məsələn site.com?p=12-ni əvəz edirik site.com/salam strukturu ilə) və saytdakı linklər avtomatik dəyişir. Amma linklərə keçid etdikdə 404 xətası verir, belə bir ünvanın olmadığını deyir. Həll üsulunu aşağıdakıdır: (nümunə Linux-da qurulmuş standart Apache server üzərində verilir).

    Terminalı açıb yazırıq: (Əgər serverə kənardan bağlanırıqsa, o halda SSH bağlantı pəncərəsini açırıq, məsələn Putty proqramı ilə)

    sudo gedit  /etc/apache2/sites-available/default (1. defaultun yerində başqa ad da ola bilər, apache-də yaradılan saytın adından asılıdır. 2. SSH qoşulmada gedit əvəzinə vi və ya nano yazmalı)

    Açılan editorda

    <Directory /var/www/>
    Options Indexes FollowSymLinks MultiViews
    AllowOverride None
    Order allow,deny
    allow from all
    </Directory>

    blokunda AllowOverride None yazılıbsa, onu AllowOverride All ilə əvəz edirik. Səhifəni yadda saxlayırıq.  Daha sonra terminalda yazırıq:

    sudo a2enmod rewrite

    sudo /etc/init.d/apache2 restart

    Vəssalam, problem həll olmalıdır.

     

  • Ubuntu – 32bit sistemlərdə RAM-dan tam istifadə

    Yeni kompüterimdə Ubuntu quraşdırandan sonra system monitor-da gördüm ki, RAM 2.3 GB göstərir, halbuki kompüterin RAM-ı 4 GB-dır. İnternetdə araşdırma aparıb səbəbi tapdım. 32 bitlik sistemi RAM-ı yüksək olan kompüterlərə yazdıqda bu məhdudiyyət mütləq olur. 2 həll yolu var. 1-cisi 32bitliyi pozub 64bitlik yazmaqdır. Bu isə artıq formalaşmış sistem üçün əlverişli deyil, hər şeyə yenidən başlamaq xeyli vaxt alar. 2-ci həll yolu isə Physical Address Extension (PAE) adlanan köməkçi vasitənin quraşdırılmasıdır. Bu çox asan və effektiv həlldir. Terminalı açırıq və yazırıq.

    free -m

    Bu halda ilk sətirdə Mem: 2321 tipli yazı çıxacaq. RAM məsələn 4 GB-dırsa, burda 2321 MB göstərirsə, deməli mövzuda adıçəkilən məhdudiyyət mövcuddur. Davam edirik terminalda:

    sudo apt-get install linux-generic-pae linux-headers-generic-pae

    Təxminən 35-40 MB-lıq yükləmə tamamlandıqdan sonra kompüteri reboot(digər adı ilə restart) edirik.
    Kompüter açıldıqdan sonra terminalda yenə də yoxlayırıq:

    free -m

    Bu dəfə isə çıxan nəticə sevindirici olacaq: Mem: 3687

    Köməyə çatan mənbə

  • Ubuntu Terminal-da proxy internet

    Ubuntu-da proxy server vasitəsilə internetə bağlandıqda Gnome-da, Synapticdə, Brauzerlərdə və.s. bu proxy ayarları tanıdıb rahat işlətmək mümkün olsa da, Terminal və digər alt təbəqələr Gnome-dan asılı olmadığından bu ayarları tanımır və internetə birbaşa qoşulmağa cəhd edir. Təbii ki bu cəhd uğursuz alınır və Terminal, Uuntu Software Center kimi vacib bölmələr internetdən yararlana bilmir. Bunun həllini araşdırıb tapdım. Qısa formada paylaşıram. Terminalı açırıq və yazırıq.
    cd etc/apt
    sudo gedit apt.conf

    Bu zaman Gedit redaktorunda boş apt.conf faylı açılır, biz də ona bu sətirləri əlavə edirik və yadda saxlayırıq.
    Acquire::http::Proxy “http://proxy_url:proxy_port/”;
    Acquire::ftp::Proxy “http://proxy_url:proxy_port/”;

    Vəssalam. Əgər proxy-də username password tələb olunursa o halda http://proxy_url:proxy_port/ əvəzinə http://username:password@proxy_url:proxy_port/ yazılışından istifadə edilir.

  • Hər gün yeni 5 söz – Chrome qoşması

    ad
    Növbəti Chrome extensionunu(qoşma) hazırlayıb təqdim edirəm. Qoşma Xaricidil.net saytının ilk rəsmi qoşmasıdır və saytda olan gündəlik 5 yeni söz(tərcümə və transkripsiya ilə birgə) təqdim edir. Rəsmi yükləmə ünvanı

  • Chrome üçün Azerdict qoşması

    ad
    Bu gün ilk Chrome extensionumu(qoşma) hazırlayaraq rəsmi Chrome Extensions saytına yerləşdirdim. Qoşma kod baxımından mürəkkəb olmasa da, faydalılığı xeyli dərəcədə yüksək ola bilər. Qoşma hər hansı sayta girmədən, proqram yükləyib onu açıq saxlamadan, brauzerin daxilindəcə azərbaycanca-ingiliscə və tərsinə lüğətdən istifadə etmək imkanı təqdim edir. Proses boyu Azerdict heyətindən Fərhad lazımi texniki dəstəyi verdiyindən iş daha qısa zamanda hazır oldu. Rəsmi yükləmə ünvanı

  • Chrome qoşmaları

    Google Chrome brauzerində istifadə etdiyim, sınaqdan keçmiş əsas extensionları(əlavələr,qoşmalar) məsləhət görərək paylaşmaq istəyirəm. Təcrübəli developerlər yəqin ki bunların hər biri ilə tanışdır, amma tanış olmayanlar da var təbii ki. Keçidləri qoymağa gərək duymadım, sadəcə rəsmi sayta daxil olub axtarış yerində dəqiq adı yazmaq kifayətdir: https://chrome.google.com/extensions

    1. Chromed Bird – Twitter axınını izləmək və paylaşımlar etmək üçün geniş imkanlı qoşma.
    cb

    2.  Google Mail Checker – Gmaildə gələn məktublardan vaxtında xəbər tutmaq üçün. (Daim Google Talk istifadə edənlər üçün buna elə də ehtiyac yoxdur.)
    mc

     

    3.  goo.gl URL shortener – Hər hansı sayta daxil olmadan uzun internet ünvanlarını yerindəcə qısaltmaq üçün. (hətta səhifədəki linkə sadəcə sağ klik etməklə)
    gs

     

    4.  Webpage screenshot – Səhifədəki görüntünü yaddaşa vermək və yerindəcə redaktə etmək üçün.
    vs

     

    5. Chrome SEO – Saytlar haqqında ilkin SEO məlumatlarını təqdim edir(Alexa reytinq, Google page rank, Google indexed pages və.s.)
    gse

     

    6. Firebug Lite – Firefox firebug-unu tam əvəz etməsə də, çox genişimkanl developer aləti, səhifənin kod hissəsini hərtərəfli analiz etməyə imkan verir.
    fb

     

    7. Rulers, Guides, Eye Dropper and Color Picker – Səhifəyə şəkil redaktorlarına məxsus bir neçə faydalı alətlər gətirə bilir.(xətkeş, damalar, rəngin aşkarı və.s.)
    rl

  • Cavablar elektron jurnalı – say 3.

    Cavablar e-jurnalının 3-cü buraxılışı işıq üzü gördü. Online rejimdə təqdim edirəm:

    Yükləmək üçün bu səhifəyə keçin.

  • Phototag WordPress Plugini

    phototag
    İlk WP pluginim olan HEXAM plugini bir qoşqu proqram kimi özünü doğrultması(müxtəlif ölkələrdən xeyli sayda developerdən təşəkkür və yeni update üçün təkliflər aldım)  növbəti pluginləri reallaşdırmağa stimul verdi. Növbəti plugin üçün ideyalar çox olsa da ilk olaraq şəkildə obyekti tag etmək üçün vasitə olan bir plugin yazmaq qərarına gəldim(Facebook şəkillərindəki tag sisteminin oxşar variantı). Əvvəlcə mövcud pluginləri araşdırdım və bir neçə oxşar işləri görən pluginlərlə rastlaşsam da o pluginlərin yeni versiyaları dəstəkləmədiyini, qaneedici olmadıqlarını görüb bu plugini reallaşdırmağa başladım. 3 gün öncə vaxt imkanı tapıb işə başladım və dünən bitirdim.  Artıq bu gün plugini WordPress.org-a göndərdim və dərhal qəbul edildi. Plugin artıq rəsmi WordPress saytındadır, buyurub yükləyə bilərsiniz: Yükləmə ünvanı.

    Keçək pluginin mahiyyətinə.  Əvvəlcə bir screenshot paylaşaq:

    Şəkildən yəqin ki, mahiyyət müəyyən qədər aydın oldu. Aşağıdakı şəkildə isə admin paneldə tag-lama prosesinin qısa təsviri verilib:

    İndi isə proses haqda. Plugini adi qaydada install etdikdən sonra Dashboard-da TAG NEW PHOTO seçimi menyuda peyda olur.

    Fərz edək Bloqa yeni yazı daxil edirik və yazıda bir neçə şəxsin olduğu şəkil var. Şəklin url-ni Yeni TAG NEW PHOTO bölməsində daxil edirik, şəklin bloqdakı enini təyin edib tag prosesinə başlayırıq. Tag prosesi bu yuxarıdakı şəkildəki kimi – obyekt üzərində diaqonal şəkilli iki klik etməklə olur.  Tag-lamanı bitirdikdən sonra GET CODE düyməsinə sıxırıq və nəticədə bizə generate olunmuş html kod verilir. Bu kodu kopyalayıb hər hansı bloq yazısında paste edirik. Vəssalam.

    Plugin bu gün əlavə olunduğundan hər hansı bug-ların olması istisna deyil və onlar üzə çıxdıqca bir neçə cəhdə aradan qaldırılacaq.

  • Aztwi.com

    Yeni proyektimiz, Twitterin Azərbaycan seqmentinin statistikasını əhatə edən http://aztwi.com/ saytı fəaliyyətə başladı. Əlaqədar xəbər: http://goo.gl/iBfsR